الثلاثاء، 21 يوليو 2009

قريبااااااااااااااااااااااااااااا


كبرت في دماغي فجأه كده

ارجع للاجرام تااااني

بس محتاج مساعدين


المرادي انا بقيت معروف


والسرقه هتبقي عيني عينك


بس حبيت اخد رأيكم

ارجع للاجرام

ولا خلي الناس تاكل عيش

السبت، 21 فبراير 2009

نام يا حرامي........اهمد بقي شويه

السلام عليكم



باركولي


انا جايه بقي النهارده ومعايا خبر جاااااااامد


عارفين الجماعة اللي دخلو علي رئيس دولة غينيا مش عارف ايه دي (بيساو)


دول تبعي يا رجاله اه بس غلطوا في العنوان


انا كنت باعتاهم يقتلوا الحرامي واعمل انقلاب بقي واستولي عالمدونه


بس اولاد الذينه غلطوا في العنوان وقتلوا الراجل بتاع غينيا ده


لا بس انا مش بيهمني


انا بعت جماعة تانين خطفوا الحرامي


نيهاهاهاها




وهو دلوقت مرمي في اوضة الفيران


طبعا انا سحلته ولسوعته بشريط اللحام وكهربته بشاحن الموبايل واستوليت عالحكم


**************************************************


اللي عايز بقي يزور الحرامي ويجيبله عيش وحلاوه


لحد ما احاكمة محاكمة عادله واعدمه


ييجي يزوره هنا




بس اوعي حد يكون من اتباعه


انا مرقباه كويس


*****************************************


وطبعا جايبالكو سريقه جامده بمناسة السيطره علي السلطه


ودي بقي معلومات عن الضحيه


( لا اللي انا سرقته مش الحرامي هو الحرامي دا يتقال عليه ضحيه دا سفاح )



العمر: 21
الجنس: ذكر
علامة تنجيمية: برج القوس
دائرة الأبراج: عام الأرنب
الصناعة:
محاسبة
الوظيفة:
محاسب - عملت فى مجال الكمبيوتر
المكان:
ALEX : مصر
كليب سمعي
من أنا
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!!
الاهتمامات
internet/reading/mobile
الأفلام المفضلة
مولد يا دنيا/الطريق إلى ايلات/مافيا/واحد من الناس/وجميع افلام احمد ادم/titanic/saw/the last samorai/ وكل افلام جيم كارى
الموسيقى المفضلة
asala/angham/shereen/lo2y/gorge wasof/hissin elgasmy/om kalthom /najat/fayza ahmed
الكتب المفضلة
i love reading this is the favorite thing which i find myself in it



**************************************************************





ودي طبعا النهيبه اللي نهبتها منه

************************************



افتكاسات في بلاد حكومات ابوها السقا مات








نظرا لان نتيجة مباريات الاهلى و الزمالك اصبحت مؤكدة دائما قبل اى مباراة بفوز الاهلى تقرر اطلاق لقب جديد على الاهلى بدل بطل القرن(عائلة ابو قرن)(اه ما انا زملكاوى لازم اقطع فى الاهلى حتى لو كسب)




ـــــــــــــــــــــــــــــــــــــــــــــــــــــ




بعد الحملة الشرسة على احمد عزو قرارة بتعديل صورتة امام الاعلام باعتبارة هو اساس اظهار صورتة الحقيقية قرر انس الفقى اصدار وثيقة البث الفضائى و كل ده عشان اللى يتكلم على عز يتزغط زى الوزـ




ـــــــــــــــــــــــــــــــــــــــــــــــــ




بعد رفع اشتراك التليفون المحطوط ( الارضى)و رفع تكلفة المكالمة و اشتراكات الخواص و المحاسبة عن ذلك بأثر رجعىقرر عم محمد بحرية صاحب وصلة الدش بتخفيض قيمة الدعم المقدمة منه لمشتركى الوصلة و انه سيتم محاسبة المشتركين بزيادة 50 جنية باثر رجعى من عام 2006ـ




ــــــــــــــــــــــــــــــــــــــــــــــــــــ




بعد اعتماد نتيجة الثانوية العامة تقرر و بصفة نهائية اعتبار جميع طلبة الثانوية عيال كدابة لانه قالوا ان الامتحانات صعبة و النتيجة طلعت زى الفل حتى الاول ع الجمهورية اول مرة ميكونش جايب الدرجة النهائية




ـــــــــــــــــــــــــــــــــــــــــــــــــــ




بعد استمرار وزير التعليم فى منصبة حتى الان قرر جميع الطلبة على مستوى الجمهورية بتغيير اسماءهم الى اسم (بلية) و ذلك بعد ان تركوا التعليم و اتجهوا للعمل بورش الميكانيكا( ما هو الوزير ما سابش التعليم العيال يسيبوه احسن )




ــــــــــــــــــــــــــــــــــــــــــــ




الهى يا رب اشوفك جعلوص مفعوص عريان بلبوصي


اللى فى مخى(انا مخى - نظيف- يعنى ما فيهوش اى حد




ــــــــــــــــــــــــــــــــــــــ




الوضع مستقر فى مصرو الحياة موووز و الدنيا رز بلبن بس الموز مفعص و الرز غالى و اللبن مقطع العيب فى الشعب يا جماعةمش فى(الرز بلبن)و لا(الموز)




ــــــــــــــــــــــــــــــــــــــــــــ




قبل ما تقرأ الكلمتين الجايين عاوز اسألك 50 سؤال اول عشر اسأله غير العشرة التانية اما التالتة فهى مختلفة تماما عن الاولى و الرابعة و الخامسة يتفقوا معا فى علامة الاستفهام اللى فاهم حاجة يفهمهانى بس بعد الفاصل




ـــــــــــــــــــــــــــــــــــــــ




سؤال واقف فى زورى لو معاك ربع جنية مخروم فى جيب مخروم وقع فى خرم بلاعه طلع من ماسورة مخرومة و قع فى مصرف مجارى المصرف فيه اربع فتحات تصريف دخل الربع جنية المخروم فى فتحة طلعت فيها حتة مخرومة وقع فى خرم صغيرطلع الخرم ده خرم الحصاله اللى اساسا مفتحاها ضايع منك السؤال بقى :اوصف لى بتاع مفاتيح اعمل عنده مفتاح للحصالة !




ــــــــــــــــــــــــــــــــــــــــــــــــــ




اعلن السيد المسئول ان مفيش حد مسئول و المسئولية كلها مسئولة من واحد مش مسئول لو فهمت قصدى ايه ادينى رنة على قصر الرئاسة




ــــــــــــــــــــــــــــــــــــــــــــــ




سيتم ارسال فاتورة الطائرة الخاصة التى انتقل بها الوزير حاتم الجبلى الى موقع حادث الضبعة فى مطروح الى منزل كل متوفى فى الحادث عشان يبقى يعرفوا يموتوا بعد كده من غير ما يستأذنوا (منهم لله مفيش اى نظام مرورى و لا اسعافات جدية)ـــــــــــــــــــــــــــــــــــــــــــــــــــــ




الرسالة دى جت لى عالفيس بوك كيف للمواطن المصرى ان ييأس و فى بلده رئيس مجلس الشعب : سرور و رئيس مجلس الشورى : شريف و رئيس الوزراء : نظيف و وزير المالية : غالىو رئيسها : مبارك




ـــــــــــــــــــــــــــــــــــــــــــــــ




انت مين فيهم ؟اللى ركب القطرو الااللى قطر مطروح داس عليه للاجابة اتصل بالاسعاف مش حتيجى




ـــــــــــــــــــــــــــــــــــــــــــــــــ




يا جماعة برضوا الحاجات دى فى كوكب بعيد خالص فيه بلد اسمها مصر برضوا بس مش بتاعتناعشان محدش يقول انى اقصد اى حد فى البلداحنا كل اللى فى بلدنا ناس ذوق ذوق ذوق يعنى احنا اللى شعب ميستحقش النعمة




ESLAM








_____________________

والتعليق دا انا اتشنكلت فيه وانا خارجه من المدونه وبعد ما جبت ضرفها
*****************************************************************************



dina seliman يقول...
انا اعلن انى مش انا اللى معلقه هنا ده حد تانى مش انا هوتقريبا لانى سهرنا ومغيبه ومش فى وعى تتخيل لو مسكونى عشان كونت عندك هيقتنعوا بالرد ده عموما كفايه المصايب اللى انا كتباها بس بجد المفروض ندور على حد يوردلنا عيش وحلاوه كده مينفعش

*********************

ودي حاجه تستحق السرقه عالماشي يعني

تحديث

النهارده يا جماعة المواطن اللي هو نايم دا

الضحيه اللي لسه سارقينه

بعتلي ال ايه صوره للهيدر بتاع البلوج

حد يعمل كده يتسرق ويساعد اللي سرقوه

مقبوله منك يا معلم

وبعدين لازم تسيحلي

كنت ابعتها عالميل

مشكووووووور يا باشا


السبت، 14 فبراير 2009

جاءنا البيان الدالي

أيها الساده والسيئات
جاءنا البيان التالي
نجحت قواتنا المشرشحه صباح اليوم وفي تمام الساعه " اتنين اتنين ونص كده " في عبور قناة ميلودي
واقتحام خط موبينيل والسيطره علي مدونة بت خيخه واي كلام
وقد تمكنت طائراتنا من فك حصون العتو والسيطرة علي جميع نقاطه الحزينه
كان هذا هو الموجز واليكم الانباء بالتفصيل بعد سماع هذا الاعلال

اعلان
نفسك تبقي حرامي نفسك تبقي حراميه اتصل بيه علي رقم
زيرو تسعميه زيرو تسع تسعات وكل ماتسعاتك تكتر كل ما فرصتك في الفوز تتخن
اتصل بيه دي فرصه خشبيه يالا مستني مييييين
***************************
التفاصيل
نجحت اليوم (بتقدير مقبول وبالعافيه ) قواتنا المريحه بالسيطره علي مدونة البت الخيخه لمده طويله ومن تم سرقت اشياء تخينه
وقد وافانا مراسلنا من قلب الحدث (ابو سنوفة ) بهذا التقرير

التقرير

في غضون الساعه الثانيه بعد المغر ب مباشرة اغلقت البت الخيخه مدونتها وخرجت بدري فاستغل الحرامي فرصة تواجدها خارج المدونه وقام بضرب المدونه بالطيران


مما ادي الي احداث كسر في شباك المطبخ والذي تسلل منه الحرامي وقام بالعمليه واليكم هذه المعلومات عن الضحيه
***********************************



بت خيخة وأي كلام
العمر: 31
الجنس: انثى
علامة تنجيمية: برج الجدي
دائرة الأبراج: عام الثعبان
من أنا
ونفس وماسواها@فألهمها فجورها وتقواها @قد افلح من زكاها @ وقد خاب من دساها

الاهتمامات

الأفلام المفضلة



ghandy frinch kiss

الموسيقى المفضلة


كان معكم ابو سنوفة من داخل مدونة البت خيخه
****************************************************************************


وعلي صعيد اخرقدرت المسروقات بنحو نصف مليون دولارمصري وهذا حصريا انفراد بنشر المسروقات



*********************************************************************
دنيا ...واخره

الدنيا ماشية معاها بالعكس
لما تحب تخس ... تتخن
ولما تتطمع فى ترقية ... تترفت من شغلها
ولما تنوى تشترى جزمة بيضاعلى السودا الوحيدة اللى تملكها
السودا تتقطع وتضطر انها تشترى سودا تانية
ولما تبقى زوجة .... تترمل
ولما تعرف إنها حامل .... تجهض
حتى اليوم اللى درجة الحرارةوصلت فيه لواحد واربعين
و اتمنت انها تشرب فيه شوب عصير قصب
افتكرت فجأة والكوباية على شفايفها
اان النهاردة الإتنين وانها بتصوم اتنين وخميس
هى خلاص خدت على انها متتمناش أى شئ
لانها حفظت النتيجة عن ظهر قلب
وتقبلتها عن طيب خاطروإيمان قوى بربنا
وأنه سبحانه وتعالى أكيد شايلها حاجة أحسن
لكن جه يوم الدنيا مشيت معاها زى ما هى عايزة
كانت بتدور على شغل والغريب انها لاقت شغل
نزلت تشترى فستان جديد
والغريب انها اشترته بدون أى اعتراض من الدنيا
ولما حبت تشرب عصير قصب ... إستمتعت بيه
لأن النهاردة كان يوم أربع وماكنتش صايمة
دخلت بيتها لاقت نفسها نايمة ووشها متغطى
ومامتها قاعدة على يمينها
وأختها قاعدة قدام السرير
وخالتها قاعدة على شمالها
وكلهم بيعيطوا وبيقروا قرأن
بصت فى المراية ماشفتش نفسها
ساعتها إتأكدت إن الدنيا ماشية معاها بالعكس
واليوم اللى إعتقدت فيه
إن الدنيا مشيت معاها زى ما هى عايزة
عرفت إنها الأخرة
إنتهى
بت خيخة وأي كلام

قال الله تعالى فى كتابه الحكيم
فى سورة الأعلى
بسم الله الرحمن الرحيم
"والآخرة خير وأبقى"
صدق الله العظيم

وفى سورة النساء
بسم الله الرحمن الرحيم
"متاع الدنيا قليل والأخرة خير لمن اتقى"
صدق الله العظيم
********************************
ومن ناحية اخري اعلن متحدث باسم الناحيه الشنبيه لتحريك الودان عن مسؤلتها عن العمليه ( مع ان انا اللي سرقتها والله العظيم )
**********************
ملحوظه هاااامه
البت الخيخه دي عندها بوستات جامده جداااا انا بصراحه كان نفسي اسرقهم كلهم لكن اخترت البوست دا لتلت اسباب
اولا
ان البوست قصير نسبيا ودا لاني بعقم وبعمل الحبتين بتوعي ولو اخترت حاجه اكبركان ممكن تتخضوا من البوست
ثانيا
االبوست دا اثر فيا جدااا وحسيت بمعناه كويس واكيد هتحسو باللي هيه عايزه تقوله
ثالثا
لا مفيش حاجه ( علي رأي خيخه )

الخميس، 22 يناير 2009

سلااااااام كبير قوي للحراميه الجديده


النهارده هنبدأ اول درس في مدرسة الاجرام التجريبية للغات
وقبل ما نبدأ احب أعرفكم بالتلموذه الجديده والوحيده
انها
ابو سنوفه الدراع اليمين ولامؤاخذه

تصفييييق حاد ......اومنفرج اي حاجه يعني

زغاريط بقه من النوع بتاع لولولولولولولولي

السقفة العليا لفوق يلا

بصي يا سنوفه
الحصة الاولي حصة محفوظات


ودا أول درس لازم تحفظيه كويس وهو عباره عن نشيد


قسم الانضمام للعصابه


قولي ورايا


"ورايا"


لا يا سنوفتي قولي زيي
"زيي"


قولي اللي هقوله


" اللي هقوله "


المهم قولي


 1- اعد بشرفي الاجرامي ان أخدم هذه العصابه بكل اخلاص وتفاني


 "مين تهاني دي يا معلم"


يا بنتي تهاني مين كملي


وأن أعمل بقانون ودستور العصابه وان أحافظ علي اسرار العصابة ولا افشي


لها سرا


2- ان اعمل علي سرقة اي حد حتي لو كان أعز أصحابي ...معندناش يامه ارحميني


 " ايه يا حاج هي مامتك بتشتغل معانا "


3-وان أكون مسئولة مسئولية كامله عن أي جريمة يتم أرتكابها


(اه عشان لو اتمسكت ابقه في الضياع لوحدي )


الحصة التانيه حصة المسروقات علي وزن المحفوظات


ودي بقي عمليه صغيرة حضرتك هتقومي بيها عشان تثبتي انك فهمتي


ها جمعتي المعلومات عن الضحيه


  ايوه يا معلم وادي المعلوم اهو

الجدع بيقول عن نفسه

ساعات باحس اني باطير
او فنان كبير
.. ولكن في الأخير
التقيني رغاي .. كتير
 Soooo
عم الشباب والرياضة
  • العمر: 31
  • الجنس: ذكر
  • علامة تنجيمية: برج الأسد
  • دائرة الأبراج: عام الثعبان
  • الصناعة: فنون
  • الوظيفة: interior designer
  • المكان: Maadi : Cairo : مصر

من أنا

باختصار..يانعيش بنحلم بالنهار..يانفض ليل الانتظار

الاهتمامات

الأفلام المفضلة

الموسيقى المفضلة

الكتب المفضلة


وأي حد يحب يزور الجدع ده يتوكل علي الله
http://soooo-30.blogspot.com/
**********************************************


!!! إلحج يا باشمهندس .. الشارودة اللي عالسطوح هتولد وعايزك معايا
---
كانت دي الجمله اللي قالهالي اسماعين البواب بمجرد ما سبت الغسيل اللي كنت باغسلو ورحت فتحتلو
!!! باب الشقه .. ومعنى كلامه إن النعجة اللي عالسطوح بتولد .. وعايزني معاه

طلعت معاه وانا مش فاهم هعمل ايه ولا ازاي .. انا اصلا عمري ما شفت أي حد بيولد قدامي عالهواء مباشرة .. لا بني أدمين ولا حيوانات .. بالرغم من اني كنت
مربي قطط بالعبيط .. بس ماشفتش عملية ولادة قبل كده
اول ما طلعنا عالسطوح لقيت النعجة نايمة عالارض وبتمأمأ وصوتها فيه حشرجة غريبه .. ولقيت البواب راح جاري وماسكها من رجليها القداميين وبيبص في وشها .. وبانت عليه ملامح القلق
اسماعين : يالهوي يالهوي .. ساعدني ياباشمهندس عشان شكلها هتموت
سوووو : - وانا في قمة القلق والتوتر- اساعدك اعمل ايه طيب !!؟؟
اسماعين : امسك رجليها الورانين .. ووجّفها عليهم .. ودخّل ايدك اسحب الخروف
!!!!!!!!!!!!!!! سوووو : نعم
اسماعين : دخّل ايدك واسحب الخروف ياباشمهندس
سوووو : ادخل ايدي فين يا اسماعين .. وخروف ايه اللي اسحبه !!؟؟
اسماعين : ياباشمهندس بسرعة مافيش وجت .. ده هتموت مننا .. دخّل ايدك بسرعة
!!!! سوووو : أدخل ايد مين .. ايدي انا .. وادخلها فين .. انت اكيد بتشتغلني
.. وقعدت أتلفت حواليّ .. قلت يمكن تكون دي فقرة في الكاميرا الخفيه بتاعة رمضان الجاي
!!! ويمكن ابراهيم نصر متنكر في هيئة النعجة .. ولا الخروف ذات نفسه

اسماعين : ياباشمهندس بسرعه مافيش وجت .. النعجة وولدها هيموتو لو ما دخلتش ايدك وسحبته
وهنا حسيتني زي ما اكون حاوي .. اقلع البرنيطه اللي لابسها وأدخّل ايدي اسحب منها ارنب لونه ابيض .. بس على الاقل الحاوي بيدخّل ايده في البرنيطه .. انا بقى استغفر الله العظيم .. هدخّل ايدي في .. سامحني يارب
اسماعين : هاا .. طالع الجَرن ولا الدَنبه؟؟
سوووو : خبر ايه يا اسماعين .. ماتكلمني كلام مفهوم .. جرن ايه ودنبة ايه في الليلة الطين دي ؟؟؟
اسماعين : يعني اللي طالع قدامك .. راس الخروف ولا ديله ؟؟
سوووو : طالع ديله .. هو المفروض انهي اللي يطلع الاول ؟؟؟
اسماعين : يالهوي يالهوي يالهوي .. ده كده ممكن يتخنق
سوووو : بقولك يا اسماعين .. مش ناقصه توتر الله يكرم اللي خلفوك .. المفروض اللي يطلع الدماغ ولا الديل ؟؟
اسماعين : الراس هي اللي المفروض تطلع الاول
سوووو : طب والحل .. هنعمل ايه !!؟؟
اسماعين : اسحب ياباشمهندس .. اسحب بسرعه احسن يموت جوا مخنوق
يادي الليلة اللي مش باينلها ملامح .. قعدت اسحب .. وفي حاجات غريبة ولزجه على جسم الخروف الصغير اللي باسحبه .. حاجات دافيه وريحتها مراااار .. والخروف نفسه جسمه دافي .. وامه قاعدة بتمأمأ وصوتها عمّال يعلى وجسمها بيرخي واعصابها بتفلت .. وانا باسحب .. واسماعين البواب بيقول يالهوي .. وانا باقول سامحني يارب
اسماعين : هاا .. طلع منه كد ايه يا باشمهندس؟؟
سوووو : طلع نصة التحتاني .. بس نصة القداماني معصلج
اسماعين : طب كمّل يا باشمهندس .. هانت آهي
سوووو : طب مايمكن اللي مانع طلوع نصه القداماني يا اسماعين .. قرون الخروف .. احسن تكون شابكه في حاجه جوا ولا بتاع .. واموّت النعجة وانا باسحبه !!!؟
اسماعين : ياباشمهندس الجرون مش بتطلع دلوجتي
سوووو : لا ياراااجل .. امال بتطلع امتى ؟؟؟؟
اسماعين : ولّد الخروف الاول وبعدين نبجو نشوفو .. مش وجت حديت دلوجتي ياباشمهندس
سوووو : باشمهندس ايه بقى .. انت خليت فيها باشمهندس .. ده انا بقيت ولا الدادة وداد حمدي .. وياريتني دادة بني أدمين .. ده انا بقيت دادة خرفان
وسمّيت الله .. ورحت ساحب بكل مافيّ من عزم .. قمت واقع عالارض والخروف في حجري
!!! وفجأه كده لقيت في حاجه لزجة ودافيه .. راحت طالعه من النعجة في وشي عِدِل

اسماعين : ياكرم الله .. اجطع الحبل يا باشمهندس .. اجطعه وشمم الخروف بصلة جوام
سوووو : لا لا لا .. انا لغاية هنا وبِخ .. حبل ايه وبصلة ايه .. قوم انت اعمل الباقي انا مش طايق نفسي ولا طايق الخروف .. ولا طايقك انت اصلا
وقام اسماعين جاب بصلة وسكينه من أوضة الخزين اللي عالسطح .. وجه راح قاطع الحبل السُري .. واداني بصلة مقسومه نصين وقاللي اشمم الخروف الصغير عشان يفوق ويمأما .. خصوصا انه قعد في حجري وهو ساكت
قعدت اشمم الخروف البصله واحطها قدام مراخيره .. شوية بشوية الخروف ابتدا يعطس .. وراح ممأمأ مأمأآيه صغنونة قوي .. بصيت على اسماعين وانا باستفهم منه ايه الحوار يعني بعد كده
لقيت اسماعين قعد عالارض وهو مُنهك القوى .. وراح مطلع سيجارة من علبة السجاير .. ومولعها وهو باين عليه الاطمئنان .. وفهمت من حركتة دي إن الحمدلله عدينا مرحلة الخطر
اسماعين : مبروك يا باشمهندس - وهو بيضحك - اللي جابلك يخليلك
!!!!!!
لسه هقوم عشان امسك في رقبته على تريقته دي .. لقيت الخروف بيمأما وبيتمسّح في .. لوهلة لقيتني شلت الهم قوام قوام .. يالهوي .. الخروف بيتمسّح في بجد .. يكونش فاكرني ابوه .. يالهوي .. طب هصرف عليه منين .. هدخلو حضانه ازاي .. وحضانة ايه اللي ممكن تقبل خرفان .. وبعد ما يخلّص الحضانة هاجيب مصاريف مدرسته ودروسه الخصوصية ازاي ..
انا لازم ادوّر على شغلانه بعد الضهر عشان الاحق عالمصاريف

طب لو نجح في ثانوي وجاب مجموع حلو .. اخليه يدخل كلية ايه .. ولا اسبلو مطلق الحريه .. انا هاسيبه يختارالكليه اللي على مزاجه .. وبعد ما يتخرج .. لازم اشوفلو واسطه عشان يشتغل .. ماهو انا مش هاسيب ابني من غير شغل

ما داهية كمان لما يكبر ويبقى طالوقه وعايز يتجوز .. الاقيه جاي بيقوللي دوّر لي على عروسه يابا .. واروح واخده كده من ايده ولا رجله .. ورايحين نخطبلو نعجة بنت خرفان محترمين .. وطبعا لازم وانا رايح اعمل زي ما عملت لما رحت إحدى زيارات جواز الصالونات .. وكنت واخد معايا تورتة آيس كريم من النوع المفتخر
بس الخرفان اللي هنروحلهم اجبلهم تورتة آيس كريم بطعم ايه ..
فانيليا ولا برسيم !!!؟

.. وياسلام بقى لو رحت حَجّيت .. الناس لما ارجع هتقولي مبروك يا حاج ابو خروف
!! والحاج ابو خروف راح .. الحاج ابو خروف جه .. هيبة برضك يعني
.. ويا سيدي بقى لو فكرت اعمل مشروع وافتح سوبرماركو مثلا .. لأ .. انا هافتح علافة
!!! وهاكتب عالمحل ..
علافة الحاج سوووو وابنه الاستاذ خروف
!!! اسماعين : إلحج ياباشمهندس .. ده ماسك في صباعك عيرضع فيه .. فاكرك امه
!! فعلا لقيت الخروف ماسك صباعي وبيرضع فيه .. ده كده مش فاكرني ابوه .. ده فاكرني امه
.. لأ كده بقى الاحلام كلها هتتغير .. ماهي غريزة الأمومة غير غريزة الأبوبة
هو في حاجة اسمها غريزة أبوبة ؟؟؟؟

واساسا اساسا انا ليه تخيلت انه خروف دكر .. مش يمكن يطلع خروفه نتايه .. دي لو طلعت نعجه هدلعها آخر دلع .. هاجبلها احسن هدوم واحسن ميك آب .. وهششورلها شعرها عشان يبقى ناعم وشكلها يبقى حلو .. وهعلّمها فنون الطبيخ وترويق البيت .. قصدي ترويق الزريبة .. آه امال .. انا بنتي لازم تبقى احسن نعجه في العالم .. هعلّمها ازاي تعمل صينية درة بالباشميل .. و ازاي تعمل طاجن برسيم بالفول الاخضر .. ياسلام بقى لو اتقدملها الخروف ابن الحلال
!!! ياما نفسي اشوفها في الفستان الابيض
اسماعين : تاخد سيجارة ياباشمهندس
سوووو : - وانا متعفرت ووشي مكرمش - اطفي السيجاره دي .. انت عايز الخروف يبقى عنده حساسيه ولا ايه !!!؟؟؟
اسماعين : - بيكلم روحه - هو الباشمهندس صدق ان الخروف ده ابنه ولا ايه !!!؟؟؟؟؟

*******************************************

احلي واصغر تعليق عجبني يا معلم وجاب من الاخر

Blogger أحمد (زوج مخنوق سابقا )
طب سؤال يا هندسة هو سماعين ما خلاكش انت تمسك رجليها و عاش هو في الزروطة دي؟؟ اللي جابلك يخليلك يا ريس

الاثنين، 12 يناير 2009





الحذاء فيه "بـووز" قاتل






اخواني اعزائي فلزات اكبادي النهارده ولاول مره الحرامي محتار يعمل ايه لاني مش عارف هو مين اللي انا سرقته النهارده بالعربي كده انا جالي الايميل دا معرفش من مين يظهر حد حابب يساعد بس عالعموم السريقه دي استثناء ومش محسوبه لان للسرقه اصول ودي خارج نطاق الدستور بتاع العصابه بس انا قولت انشرها وخلاص مع الاعتذار الشديد لكل محبي الاجرام في العالم وانا هتايع سرقاتي بطريقتي بعدين




تعليقات علي الاخبار
أحذية الدمار الشامل تهدد أمريكا
الأمريكان يطورون الطائرات إف 16 إلى مقاس حذاء 45 استعداداً لضربة قاسية للمدابغ
أديداس تدرس توسيع استثماراتها فى المنطقة العربية
اجتماع فى الرباط لفك "الجزمة" الحادة التى نشأت عن ضرب الرئيس الأمريكى
خطاب بوش الأخير فى العراق كان: جازماً
*******
اجتماع دولى لرؤساء الدول "المحاذية" للعراق
الصحفى العراقى يتعرض لـ : كعب دائر
زلط يعلن مسئوليته عن الحادث
الفريق الطبى للرئيس بوش يعالجه من حادث الحذاء بجرعة: بنعل لين
الرئيس الأمريكى يقول لضاربه: كان يمكن أن أرد "ببلغة" ثانية

*******
الرئيس الأمريكى يسأل كونداليزا رايس: "كوتشي" فين يا كوندي وأنا بانضرب؟
العراقيون يطالبون بعمل تمثال لـ: باتا
تحويل الطريق أمام البيت الأبيض لـ: فردة واحدة
ما هو الشراب المفضل للرئيس بوش؟
بوريتانيا تعلن تضامنها مع الزيدى
*******
العراقيون يودعون بوش بـ : عليك النعلة
المالكي يطلق على حملة مواجهة المتطرفين: "نعل" الصحراء
بوش فى طريق عودته نجا من "البوت" بأعجوبة
العراقيون يشربون "الكلّة" احتفالاً بضرب بوش
بوش يرفض تشبيهه بشجرة الدر

*******
تخليد ذكرى ضرب بوش تحت اسم: معركة الكنادر
هل كان حذاء الزيدى بدون طيار؟
بعد الحادث.. الكثير من الأمريكان يصابون بـ : "جزمات" قلبية
الديمقراطيون يطلقون على الرئيس الأمريكى المخلوع: جورج شوز
الصحافة الأمريكية: فشل زيارة "الورنيش" الإعلامى
*******
البيت الأبيض يمنع اصطحاب الصحفيين للمحمول والأحذية فى المؤتمرات الصحفية
كونداليزا رايس تقول: لا حذاء للديمقراطية
تونى بلير: أنا "مقاسى" مثل بوش
ساركوزى: أشعر بـ: "الضيق" الذى يعانيه الرئيس الأمريكى

*******
ما حدث للرئيس الأمريكى "غرزة" فى وجه الإدارة الأمريكية
أوباما يرفض "الشراب" فى صحة بوش
بوش يودع البيت الأبيض بزيارة "الجلدي" المجهول
فريقات تحقيقات الاف بي اي يفحص الصندوق الأسود لحذاء الزيدى
الفيفا تحسم الجدل، الزيدى يحتاج فردة ثالثة ليصبح هاترك
*******
أطباء بوش ينصحونه بتعاطى "منقوع صرم" لتفادى مضاعفات الحادث
بوش لحرسه الخاص: أنتم براطيش
بعد محاولة صد الضربة عن بوش، المالكى مرشح لحراسة مرمى المنتخب العراقى
البنتاجون يستعين بـ "صراماتى" لتتبع أثر مخططى العملية
جماعة كعب وفصائل أبو وردة يعلنان تضامنهما مع الزيدى

*******
هافان تحتفل بما حدث للرئيس الأمريكى
بعد الحادثة: المقاومة العراقية "كعبها" عالى على الأمريكان
المنظمة العالمية للطاقة تمنع تخصيب اليورانيوم وتفصيل الأحذية فى بوشهر
كوبا تعلن ديسمبر عيداً للحذاء العالمى لحقوق الإنسان
*******
بوش يطلب من القاهرة نسخة من فيلم: حافية على جسر من الذهب
منظمة "الأحذية" العالمية..الفاو.. تعلن رفضها للحادث
هيفا وهبى تنافس بأغنية: بوش الواوا
قبل رحيله: بوش يخسر "الجلد والسقط" فى العراق
بعد الحادثة: "قالب" جديد للعلاقات الأمريكية العربية

*******
إلى جورج بوش القاطن فى البيت الأبيض: الحذاء فيه بووز قاتل
أوباما يستعين بـ "نايك" وزيراً للخارجية نكاية فى بوش
فريق من الـ سي اي ايه يطير للعراق لبحث كل: "جوارب" القضية
الشريط الكامل للحادث يذاع فى: "أحذاء" 24 ساعة

الجمعة، 26 ديسمبر 2008

استعنا عالشقا بالله " هبدأ بيكي يا كيكي "

بسم الله
اخواني


الي كل محبي الاجرام في كل مكان الي كل من ارسل يشكو ( انا كنت فاكر الشكاوي هتيجي تشجب وتستنكر وتدين ) بس انا لقيت كل البلاغات بتستعجل العمليه الاولي
بس احب انوه ان العمليه الاولي والاولي بالتحديد كان لازم يتخطط لها كويس
ان مش ساكت
انا قاعد بنظم افراد العصابة وبوزع الادوار وبختبر المساعدين الجدد
انا حقيقي وانا بلف في شوارع المدونات اتكعبلت في حاجات ثمينه وغاليه بس كنت بدوَر علي الاغلي وعموما انا جاي النهارده بحاجه غاليه دكنتها كدة وقلت اهي حاجه كده امشي نفسي بيها
طبعا هتفهموني غلط انا مش بقول علي السريقه انا بقول علي التخطيط والتنفيذ اللي كان لازم يكون افضل من كدة وعلي العموم دي الخطه
اول حاجة
جمع معلومات كامله عن الضحيه
واللي اتضح انها


بتقول عن نفسها كدة
دخل الشتا وقفل الببان على البيوت ..وجعل شعاع الشمس خيط عنكبوت ..وحاجات كتير بتموت فى ليل الشتا ... لكن
معلومااااااات
بصراحه العيال الصبيان بتوعي دول اي كلام والمعلومات ناقصة
هي عماله تقول معهد القطن ولا حدش فيهم عرفلي هي قسم ايه .. جمع . تنجيد ..تنفيض ولا حتي عرفو نوع القطن ...مفزق ..ببذره...ولا قطن طبي ولا ايه

رأي الحرامي فيها
بصراحه البت كيكه دي زي العسل تتاكل أكل وش اجرام يعني وعندها مواهب اجراميه تخليني افكر اضمها للعصابه وان ما رضيتش هخطفها
عشان كده قولت اسرقها بدري بدري قبل ما تبقي تبعي وساعتها يبقي عيب ققوي اسرقها هه
وبعد التحريات اللازمه تم رسم الخطه
وهي الانتظارخارج المدونه حتي خروج اخر زائر
لكن للأسف المدونه كانت طول الليل بتشغي ( اي مليانه زوار ... لغة حراميه بقي )
المهم فضلت مرمي قدام المدونه لحد قبل الفجر وانتهزت فرصت غياب عن المدونه اصلها خرجت وسابت باب المدونه مرجَل ( يعني موارب )
وعنها وهاتك يا جري جوه دهاليز المدونه اشي مواضيع واشي تعليقات واشي تصاوير
وعنها ورحت هابش الهبشه وجاي بس للاسف نسيت اشيل بصماتي من علي البيبان
لو حد عايز يرفع البصمات يزور العنوان ده
http://fokaakmeny.blogspot.com/
وادي السريقه
بعنوان قسم يا عمده قسم بس منغير بتاع (قصدي صداع )
*******************************************************************
فى مكان ما فى البيت(والى ميعرفش فين البيت الابيض بالتحديدهو وراء البنزينة"
ميشال مرات اوباما وهنسميها شوشو علشان التموية وهنسمى اوباما بوبو برضة علشان التموية
شوشو:قوم ياراجل يلا من صباحية ربنا وانت نايم كدة لا شغلة ولا مشغلة ولا كانك بقيت ريس على دولة دة انت لو كنت ريس وكالة البلح كنت بقيت انشط من كدة
بوبو:فى اية بس ياشوشو كنت سيبينى انام شوية دة الواحد بقالة زمن منمش على فرشة حلوة زى دى وكمان اقوم اعمل اية بس
شوشو:ياراجل هو السبرتو الى بتشربوا لحس دماغك ولا اية انت ناسى انك بقيت ريس اكبر دولة فى العالم ولازم تخطط وتقسم هنعمل اية شوف هنحارب مين..وهنخرب على مين...وهنسرق مين...وهنقول على مين عندة اسلحة دمار شامل المرة دى...ومين حبايبنا ومين اعدائنا ومين ومين
بوبو:يااااااااة تصدقى بالله وما ليكى عليه حلفان انى كنت ناسى الموضوع دة والفرشة الجديدة نسيتنى مانتى عارفة انا لمة بغير فرشتى بيحصل اية والله مش عارف من غيرك كنت عملت اية ياقمر انت يا قمر
شوشو:اية ياخويا كلنى بالكلام كلنى وانسى الى عملتوا فى انت وامك لمة كنا ساكنين فى المستودع والله دة انا لوحدة غيرى ماكنت استحملت الى استحملتوا ابداا وادينى استحملت معاك اهوا ونضفتك لحد ما خليتك اكبر ريس فيكى يا منطقة
بوبو:ياااااة دة انتى قلبك اسود بشكل يا ولية انتى
شوشو: يلا اهو كلوا بيعمل بأصلوا المهم..رئيسة الوزراء الاسرائلية اديتك مسد كول المعفنة مش هاين عليها تتصل اوتبعت ماسج كلمنى شكرا تلاقيها عايزة نبعتلها كام دبابة على كام طيارة على كام مطوى قرن غزال للسفاحين الفلسطينين الى مش مكفيهم انهم واكلين شرابين نايمين مدبحوين ومقتلوين فى ارض مش ارضهم مش عارفة انا يا خويا قلة الادب والذوق دى
بوبو:اة والله عندك حق ياشوشو انا لاعمرى هشوف قلة ادب زى دى ولاهشوف انا لازم اشوف حل معاهم كويس يردعهم عن اصحابنا الاسرائيلين
شوشو:لا وشوف بجاحة العالم مستخصرين فيهم السلاح النووى ومش شايفين ايران المفترية الى بتهدد امنهم وخليتهم يجلهم اكتئاب نفسى وعصبى لاااااااااايابوبو مينفعش كدة انت لازم تقف فى وشهم وتخليك سبع من اولها ونحاربهم ونخلص منهم ب
بوبو:بس هنحاربهم وهنقول قدام العالم اية؟
شوشو:انت بتسهبل يا راجل مش عارف تقول اية هم اساس ليهم عين يتكلموة مش كفاية عليهم هنخرج جيشنا من العراق بعد ما جبنا درفها احم احم اقصد بعد ما حررانها وهنودى جيشنا المسكين افغانستان يبقى قول هنحاربها علشان مفهاش اسلحة دمار شامل اصل جملة فيها اسلحة دمار شامل دى قدمت وبقيت موضة قديمة وكمان احنا لازم تكون سياستنا برضة مختلفة وليها نكهة خاصة
بوبو:اممممممممممممممممممممممم
شوشو: بتفكر فى اية؟....بوبو:فى موضوع الازمة المالية مش عارف هعمل فيها اية؟
ش
بوبو:عندك حق يا شوشو كفاية بقى وجع دماغ بالعالم التالت والرابع وروحى جبيلى طبق كشرى اصتبح بى وكوباية شاى فى الخمسينا وولعيلى التليفوزيون علشان ميعاد مسلسل نور قرب!!1
************************************************************************************* قلت اسرقلي تعليق بقي
وانا بالعربي لقيت تعليقات كتير جدااا (77) وهي بس ليها (35)رد
ودا اجمل تعليق عجبني
maiosha said...
ههههههههههههههه

يخرب بيت دماغك يا كيكى

ههههههههههههه

والله إنتى مشكلة

يعنى هى كل المشكلة فى الست اللى إسمها شوشو دى ..

خلاص إحنا نفضل ورا عم بوبو ونجيبله واحدة متشخلعة كده يتجوزها ونرتاح من الست شوشو دى ومن أفكارها السودا

وحشتينى مووووووووووووووت

ودا كان ردها بقي

كيكى said...
ميوشة الغالية

والله وحشتينى اوى

ايوة نجبلوة واحدة مشخلعة وانا من موقفى هذا

ارشح البت فتكات الدكرههههههههههههههه

تسلميلى يا غاليةعووووووووووووووووووووو

طبعا لازم يبقي ليِِِا تعقيم
انا هعقم علي نقطتين
اول نقطة
مين اوباما ده اللي هيه بتتكلم عنه
تاني نقطة
هوبيجيب السبرتو منين عشان انا مش لاقي اليومين دوووول
*****************************************************************
حاجات نفسي اسرقها
-الموناليزا




الواد عارف الموسأف بتاع العصابه بيقول عنها
هي اغلي واثمن لوحة زيتية رسمها الفنان الشهير 0 ليوناردو دافنشي ) مابين سنتي 1503 و 1507
وهي الان في متحف اللوفر بباريس وقد ضمنت بقيمة 100 مليون دولار للتأمين علي سلامتها في شركات التأمين لنقلها الي متحفي واشنطن ونيو يورك وهي صوره للسيدة ( مادونا ليزا جير ادني ) وقد رفض زوجها ( العبيط ) دفع ثمنها لانها لم تعجبه وقد اشتراها الملك فرنسيس الاول ملك فرنسا بقيمة 4000 فلورين ذهب اي ما يعادل 3947.95 جراما من الذهب ودمتم


2 - نقراشي بتاع كراكيب


خلي بالك يا كراكيب
*************************************************************************
اعلانات مبوبة
بمناسبة السنه الجديده الحرامي بيدعو كل المدونين لاختيار افضل مدونه في سنة 2008 ويدعو الجميع لكتابة مدونه او 2 او 3 واكتر مدونه الناس هتختاره طبعا انا هعملها احتفاليه خاصة عندي وهقشطها و نفضها و انضفها وكل سنه وانتو مسروقييييييييين
***********************************************************************
واخيرا